<< Chapter < Page Chapter >> Page >

Tegnologie

Graad 4

My eie uitspringkaartjie

Module 13

Stoffel se koevert (deel 1)

Hierdie is julle tweede laaste module vir die jaar. Ons gaan eers leer hoe om die koevert te maak. Daarna gaan ons alles wat julle vanjaar geleer het, prakties toepas deur ‘n uitspringkaartjie te maak. In die laaste leereenheid gaan ons die jaar se werk beoordeel.

Aktiwiteit 1

Om uit te vind oor die agtergrond van die probleem [lu 1.1]

Bestudeer meegaande gevallestudie en lees ook die opmerkings daarna.

  • Stoffel is maar met min tevrede! Hy vra net ‘n verjaarsdagkaartjie! Julle kan sy hartjie bly maak deur vir iemand soos hy ‘n kaartjie te maak.
  • Ons gaan in dié module leer hoe om verjaarsdagkaartjies te maak. Daar is egter ook ‘n verskeidenheid van ander soorte kaartjies wat ons kan maak: bedankings-, uitnodigings-, gewone gelukwensings- en verwelkomingskaartjies!
  • Julle kan gerus na verskillende boekwinkels gaan om te kyk watter tipe kaartjies beskikbaar is.
  • Bring ook ‘n verskeidenheid van kaartjies klas toe en gesels daaroor.

Aktiwiteit

Om ‘n koevert vir jou uitnodigingskaartjie te maak [lu 1.7, 1.8, 1.9]

Terwyl jy die koevert gaan maak, gaan jy leer hoe om te:

 meet  merk  knip  sny  plak  heg

Hierdie prosesse is baie belangrik by die maak van jou finale produk. Oefen dit in nadat jou onderwyser dit gedemonstreer het.

ONTHOU: Veiligheid kom altyd eerste!!!

A.meet

Maatband: dit is gewoonlik aan beide kante, in teenoorgestelde rigtings, in sentimeters ingedeel.

Liniaal : ‘n Deursigtige liniaal werk die beste.

B.merk

Snyerskryt : Dit word gebruik om patroonmerke op donker stowwe te maak. Jy kan ook bordkryt gebruik

Aftrekwieletjie : Dit word saam met deurslagpapier gebruik vir stowwe wat moeilik merk.

Voubeen : Dit word gebruik om ‘n duidelike, kleurlose lyn op karton te trek sodat die karton maklik langs daardie lyn gevou kan word. Gebruik die voubeen saam met ‘n veiligheidsliniaal om die voulyne te trek.

C.knip

  • Gebruik ‘n skerp skêr om te knip.
  • Knip met egalige, sterk bewegings.
  • Die papier, en nie die skêr nie, word gedraai as jy knip.

D.sny karton

  • Die lem moet skerp wees.
  • Oefen egalige druk uit op die papiermes, terwyl jy langs die rant van die veiligheidsliniaal sny.
  • Trek die mes aanvanklik eers liggies op die lyn waarlangs jy wil sny, weg van jou hand in die rigting van jou lyf.
  • Herhaal dit ‘n paar keer. Elke keer druk jy effens harder as die vorige keer totdat jy ‘n netjiese snit gemaak het.
  • Gebruik altyd ‘n veiligheidsmessie om ‘n snit mee te maak op ‘n reguit lyn. By ‘n kromming in ’n lyn/streep kan jy ‘n skêr gebruik.
  • Veiligheidsliniaal : Gebruik ‘n veiligheidsliniaal om te voorkom dat jy jou vingers raaksny.

Metaalplaat : Plaas dit onder die karton wat gesny word om die banke te beskerm.

E.plak

  • Gom : Kies die regte soort gom vir die regte tipe werk.
  • Gebruik ‘n plastiekmes, ‘n stuk hardebord of ‘n klein kwassie om die gom egalig aan te smeer.
  • Kleefband : Kleefband wat aan beide kante taai is, is ‘n goeie plaasvervanger vir gom.
  • Maskeerband is handig om papier of karton in posisie te hou terwyl jy besig is om daarmee te werk.

F.heg (karton of papier) – drie moontlikhede

1. Die een hoek word omgevou en die ander hoek daaraan vasgeplak.

2. By dik karton kan jy op die teenoorgestelde kant ‘n voeg maak sodat dit inmekaar kan pas.

3. Sny kepe rondom 'n kartonsilinder (toiletrol).

4. Druk rol deur gat in papier.

5. Buig karton terug, smeer gom en plak vas.

Assessering

Leeruitkoms 1: tegnologiese prosesse en vaardighede

Die leerder is in staat om tegnologiese prosesse en vaardighede eties en verantwoordelik toe te pas deur toepaslike inligtings- en kommunikasietegnologie te gebruik.

Assesseringstandaard

Dis duidelik wanneer die leerder:

1.1 uitvind, met hulp, oor die agtergrondkonteks (bv. mense, omgewing) wanneer ‘n probleem, behoefte of geleentheid gegee word;

1.7 ’n kort beskrywing gee van ‘n plan om iets te maak en die hoofstappe noem;

  • gepaste gereedskap en materiaal gebruik om produkte te maak deur eenvoudige vorms in ‘n verskeidenheid soorte materiaal af te meet, uit te merk en te sny, en dit deur middel van verskeie tegnieke aan mekaar te heg of te las;
  • netjies en veilig werk.

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Tegnologie graad 4. OpenStax CNX. Sep 18, 2009 Download for free at http://cnx.org/content/col11098/1.1
Google Play and the Google Play logo are trademarks of Google Inc.

Notification Switch

Would you like to follow the 'Tegnologie graad 4' conversation and receive update notifications?

Ask