Вовед во програмскиот јазик c  (Page 2/3)

Функциите може да примаат влезни параметри. Ова се обезбедува преку () делот по името на функцијата. Во овој случај празните загради означуваат дека оваа функција не прима влезни параметри.

Типот на резултатот кој го враќа функцијата стои пред името на функцијата. Во овој случај резервираниот збор void означува дека функцијата не треба да врати резултат.

Телото на секоја функција започнува со { , a завршува со } . Наредбите кои се употребуваат меѓусебно се одвојуваат со ; - точка и запирка.

За дополнително појаснување на некој програмски сегмент многу често се користат коментарите. Во програмскиот јазик С коментарите се задаваат преку користење на /* … */ конструктот или преку //… конструктот.

Опис на кратката програма:

#include

• #include<stdio.h>e претпроцесорска директива – му кажува на компјутерот да ја вметне содржината на определена датотека и понатаму содржините во таа датотека се употребливи во програмата
• <stdio.h>во датотеката се сместени програмските кодови на влезно-излезните операции
• директивата треба да се појави сама и да биде напишана во една линија
• директивите не завршуваат со ;

printf( “Zdravo na site!\n" );

• дава инструкции компјутерот да изврши акција, да ја прикаже на комјутерскиот екран реченицата ограничена со наводниците
• целата линија се нарекува израз
• сите изрази во C мора да завршат со ;
• \ - специјален знак (escape character)
• означува дека printf( )треба да направи нешто различно од вообичаеното однесување
• \n е ознака за знакот нов ред

return 0;

• по конвенција return 0, означува дека програмата завршува успешно со својата работа

Променливи

Променливите претставуваат места во меморијата каде што ќе се чува некоја вредност. Во С ова место во меморијата се идентификува преку името на променливата. Сите променливи кои ќе се користат во програмата треба претходно да бидат декларирани, а потоа да се користат. Начинот на декларација на променливите е следниот:

Типовите на променливите може да бидат:

При дефинирањето на имињата на променливите треба да се запазат следниве правила, односно имињата на променливите треба да содржат:

• мали букви од a до z ;
• големи букви од A до Z ;
• цифри од 0 до 9 ;
• знак за подвлекување _ кој се третира како буква;
• најчесто должината на имињата на променливите е 32 знаци;
• С ги разликува малите и големите букви!

Како што се гледа од примерот освен делот за декларирање на променливите, останатиот дел од програмата ги содржи наредбите кои ја извршуваат бараната задача. Бидејќи се работи за математичка операција, користени се оператори за работа со декларираните променливи.

Оператори

Операторите се користат за градење на изрази, при што операциите се изведуваат од лево надесно со што се применува правилото на приоритет на операторите во нивното изведување.