<< Chapter < Page Chapter >> Page >

AFRIKAANS EERSTE ADDISIONELE TAAL

Graad 4

DORP TOE

Module 30

OP DIE MARK

Aktiwiteit 1

Om op gepaste vlak te lees en vrae daaroor te beantwoord [LU 3.5.1]

Markdag

('n Stilleesaktiwiteit)

Lees die gedig op jou eie en beantwoord die vrae deur die regte antwoord te omkring.

MARKDAG

Dis Saterdagmôre

en 'n hele affêre -

kraakvars kopkool,

piesangs, papajas,

tamaties en slaai

word kiste-vol

by die mark

afgelaai.

Daar's ook druiwe

uit die Boland,

waatlemoen,

spanspekke uit Transvaal:

alles kry jy goedkoop

as jy kontant

by die

stalletjies betaal.

Met alkant gestoot

en beduie, beduie

en baie gepraat

oor die prys

word een ding gekoop

en 'n ander gelaat.

Maar so deur die gedoente

word die kopers se mandjies

propvol vrugte en groente.

Ja, Saterdagmôre

is 'n hele affêre

as die kopers hul geld

so kom omruil-bêre.

Deur: A. J. VisserUit: Hier Kiep-Kiep en Hiep-hiep daar (Tafelberg)

VRAE

(a) Die vrugtesoort wat vanuit die Boland kom, is

  • piesangs
  • druiwe
  • waatlemoene

(b) Die groente word by die mark afgelaai in

  • kiste
  • mandjies
  • sakke

(c) Die kopers laai die vrugte en groente in

  • kiste
  • mandjies
  • sakke
  • trollies

(d) Wat noem ons die plek waar net groente en vrugte gekoop word ?

  • winkel
  • kafee
  • mark

(e) As jy kontant vir die produkte betaal, kry jy

  • meer
  • beter diens
  • dit goedkoper

(f) Die verkopers verkoop hul produkte by 'n

  • stalletjie
  • kis
  • tafel

(g) Markdag is op 'n

  • Sondag
  • Saterdag
  • Maandag

(h) Spanspek kom uit die

  • Kaap
  • Transvaal
  • Boland

(i) Daar word baie gepraat oor

  • die mense
  • die vrugte
  • die prys

(j) Die kopkool is

  • neutvars
  • kraakvars
  • perdfris

Assessering

Leeruitkoms 3: lees en kyk

Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer.

Assesseringstandaard

Dis duidelik wanneer die leerder:

3.5 vir genot en inligting lees:

3.5.1 heelwat fiksie- en nie-fiksie-boeke op ‘n gepaste lees- en taalvlak lees.

Memorandum

Aktiwiteit 1

(a) druiwe

(b) kiste

(c) mandjies

(d) mark

(e) dit goedkoper

(f) stalletjie

(g) Saterdag

(h) Transvaal

(i) die prys

(j) kraakvars

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Afrikaans eerste addisionele taal graad 4. OpenStax CNX. Oct 21, 2009 Download for free at http://cnx.org/content/col11082/1.2
Google Play and the Google Play logo are trademarks of Google Inc.

Notification Switch

Would you like to follow the 'Afrikaans eerste addisionele taal graad 4' conversation and receive update notifications?

Ask