<< Chapter < Page Chapter >> Page >

AFRIKAANS EERSTE ADDISIONELE TAAL

Graad 4

DORP TOE

Module 25

DIE SPEELGOEDWINKEL

Aktiwiteit 1

Om eenvoudige sinne in die verlede tyd te maak [LU 6.2.2]

Wat het ek gekoop en waar?

('n Mondelinge aktiwiteit met die verlede tydvorm)

  • Speel die volgende speletjie in 'n groepie van vier.
  • Neem beurte om te "speel".
  • Hou jou oë toe en druk jou vinger op 'n prentjie in die inkopiesak.
  • Maak jou oë oop en beantwoord die vrae:

Wat het jy gekoop en waar het jy dit gekoop ?

Voorbeeld: Ek het 'n sandaal by die skoenwinkel gekoop .

Luister versigtig na die ander in jou groep.

Aktiwiteit 2

Om jou eie winkelsak te versier [LU 4.4.1]

'n INKOPIESAK

(Kreatiwiteit)

Baie winkels het hul eie inkopiesakke met die winkel se naam baie duidelik daarop aangebring. Dié sakke is gewoonlik kleurvol versier. Versier nou hierdie sak vir jou eie winkel - dink 'n naam uit vir jou winkel en dui dit op die sak aan. Jy kan selfs deur middel van sketse aandui wat jou winkel te koop aanbied.

Gee jou versierde sak vir twee maats om jou prent te assesseer. Hulle kan net die gepaste woorde in ‘n kleur van hul keuse onderstreep.

Wie assesseer? 1. ......................................................... (kleurkode  )

2. ......................................................... (kleurkode  )

Die inkopiesak is [ netjies, duidelik, pragtig, mooi, goed, onnet, deurmekaar, glad nie, beskrywend ] versier.

Aktiwiteit 3

Om ‘n gedig te lees en die rym te geniet [LU 3.2.1]

Speelgoedwinkel

('n Gedig met taalaktiwiteite)

Lees die gediggie in jul groepe. Elke leerder kan een versie lees.

SPEELGOEDWINKEL

Stap ek verby die speelgoedwinkel,

moet ek eers stilstaan;

want deur die volgepakte winkelvenster,

kyk die speelgoed vir my aan.

Dit blyk of al die speelgoed

stadig in beweging kom.

Hul wink en roep my nader.

Ek loer en staan verstom!

Die loodsoldaatjie is die eerste om te beweeg.

Hy marsjeer verby die ander so mooi.

Die speelgoed kyk hom agterna

in sy uniform van rooi.

Skielik begin die bootjie te beweeg

en vaar so stilletjies verby.

Die klein ou karretjie warm sy enjin op

en begin orals rond te ry.

Haantjie skrik hom byna flou

en gee ‘n harde kraai.

Die gestreepte vlaggie in die hoek geplant,

word wakker en begin te waai.

Die groot albasters in ‘n doos gebêre,

besluit om uit te rol.

Heel voor in die winkelvenster

draai ‘n nuutgeverfde tol.

Binne ‘n oogwink is alles verby

en staan die speelgoed weer op hul plek.

Vertel ek dit vir iemand anders,

dink hulle ek is gek.

Aktiwiteit 4

Om vrae van ‘n moeiliker aard te beantwoord [LU 5.2.1]

Bespreek die vrae in julle groepe en skryf die antwoorde in volsinne.

  • Hoekom moes die kind stilstaan by die winkelvenster?

.....................................................................................................

.....................................................................................................

  • Die kind staan “verstom”.

Wat beteken dit?

....................................................................................................

....................................................................................................

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Afrikaans eerste addisionele taal graad 4. OpenStax CNX. Oct 21, 2009 Download for free at http://cnx.org/content/col11082/1.2
Google Play and the Google Play logo are trademarks of Google Inc.

Notification Switch

Would you like to follow the 'Afrikaans eerste addisionele taal graad 4' conversation and receive update notifications?

Ask