2.2 Die gevare van sonbrand

Natuurwetenskappe

Graad 4

Energie en verandering

Module 27

Die gevaar van sonbrand

Aktiwiteit:

Om op die gevaar van sonbrand te wys

[LU 2.1]

Skryf so veel as moontlik dinge neer waarvoor die son gebruik word.

Die son is eintlik ‘n ster wat die aarde van lig en warmte voorsien. Die son se strale is ontsettend sterk en dit is dus baie belangrik dat ons onsself teen hierdie strale moet beskerm. Dit is baie makliker om skade aan jou vel te voorkom as wat dit is om dit later in jou lewe te herstel.

Hou ‘n groepgesprek oor die skade wat son aan jou vel kan aanrig en voltooi dan die take.

1. As jy sonder voorsorg te lank in die son speel, kan die volgende gebeur:

1. Dink wat jy nodig het om jouself teen die son te beskerm. Plak advertensies wat jy uit ou tydskrifte knip op ‘n vel papier.

1. Hoekom, dink jy, is daar steeds mense wat in die son wil lê en sonbrand om bruin te brand?

1. Skryf ‘n briefie aan julle skoolhoof om aan hom/haar ‘n paar wenke te gee oor hoe die kinders in jou skool teen sonskade beskerm kan word. Vra jou onderwyser om al die briefies aan hom/haar te oorhandig.

Assessering

LEERUITKOMS 2: KONSTRUKSIE VAN WETENSKAPLIKE KENNISDie leerder ken, interpreteer en pas wetenskaplike, tegnologiese en omgewingskennis toe.

Assesseringstandaard

Dit is duidelik wanneer die leerder

2.1 betekenisvolle inligting onthou.

Memorandum

Skryf so veel as moontlik dinge neer waarvoor die son gebruik word.

• Son verskaf energie aan die mens, plante en diere.
• Die son verhit die aarde.
• Die son verlig die aarde.
• Die son hou ons warm.
• Die son laat plante groei.
• Enige ander aanvaarbare antwoord.

Hou ‘n groepgesprek oor die skade wat son aan jou vel kan aanrig en voltooi dan die take.

1. Jou vel kan baie seer verbrand, selfs blase kan vorm.

2. Leerders knip prentjies uit plak dit in die oop spasie. Hulle kan selfs werklike produkte bring wat in die klas bespreek kan word.

3. Modelle wat in advertensies gebruik word, word altyd as sonbruin voorgehou. Dit plaas druk op die gewone mens om ook so te lyk. (Gesels sommer hier oor groepsdruk!) Enige aanvaarbare antwoord.

4. Laat hulle briefies skryf om aan die skoolhoof te gee. Daar behoort interessante dinge uit te kom.

Mnr. Breinsel:

• Ongeveer 150 miljoen km van die aarde af.
• Temperatuur 15 miljoen grade C.