1.5 Die industriele rewolusie: landbou  (Page 2/2)

• Inligting oor enige BBC-nuus kry ‘n mens op die Internet indien jy die koerantberig of internasionale TV-berigte verpas het. Die bostaande inligting is beskikbaar op die algemene BBC Nuuswebblad. Soek dus:
• “BBC News Website”, onder “Sci/Tech”, hou aan soek totdat jy die spesifieke inligting waarna jy soek, vind!

Vergelykende studie : Industriële Revolusie vs Franse Revolusie

DEFINISIE:

• Die IR was ‘n stadige maar radikale verandering van handearbeid tot die gebruik van masjienkrag.
• Die FR was ‘n politieke revolusie waarin die werkersklas die regering deur die monargie in ‘n vinnige, bloedige stryd beëindig het.

OORSAKE:

• Die uitvindings van skeppende leiers wat die tegnologie so verbeter het dat kapitalisme ontstaan het, d.w.s. die gebruik van geld in die produksie van goedere en dienste sodat nog meer geld gemaak word.
• Die onderdrukkende regering deur die minderheidsgroep, die koning en sy aristokrasie wat die kommunistiese droom van ‘n werkersparadys laat ontstaan het.

GESKRIFTE:

• 1776 The Wealth of Nations deur Adam Smith, waarin hy privaatinisiatief aanmoedig, d.w.s. dat maksimum rykdom en voorspoed slegs deur individue bereik kan word omdat die mens sy eie welvaart wil bevorder en die volk op hierdie manier bevoordeel kan word.
• Rousseau (1712 - 1778) skryf in sy Sosiale Kontrak dat die mag by die volk moet berus, nie die koning nie. Hy stel die leuse van die Franse Revolusie: vryheid, gelykheid en broederskap.

GEVOLGE:

• IR het verstedeliking veroorsaak, omdat fabrieke en myne naby die energiebron opgerig is en onbeplande stede so ontstaan het om die arm werkers te huisves. Rykes het ryker geword en armes armer.
• Napoleon Bonaparte is in 1795 deur die direktoraat van Frankryk aangestel as hoof van die Franse leër om korrupsie te beëindig. Sy leërs is oral deur onderdrukte volke as bevryders verwelkom en so is die FR se ideale versprei. Nasionalisme (‘n vurige vaderlandsliefde) het so ontstaan.

• Skryf nou twee paragrawe waarin jy in jou eie woorde verduidelik wat bedoel word met:

kommunisme

kapitalisme

ASSESSERING VAN KENNIS EN BEGRIP OOR DIE FRANSE EN INDUSTRIëLE REVOLUSIES

Jou onderwyser sal jou nou ter afsluiting van hierdie module, help om te bepaal in hoe ‘n mate kennis en begrip oor die twee revolusies verwerf het, byvoorbeeld met ‘n skriftelike toets.

Assessering