Van hier tot daar - 01

Afrikaans huistaal

Van hier tot daar

Opvoeders afdeling

Memorandum

INLEIDING

Die Graad 2-opvoeder moet voortbou op die werk wat in Graad 1 gedoen is ten opsigte van die Huistaal. Dit is daarom noodsaaklik dat die opvoeder vertroud sal wees met elke leerder se vermoë om die Huistaal te gebruik. ‘n Vertrekpunt moet volgens die leerders se vorderingsverslag, profiel en portefeuljes bepaal word alvorens met Graad 2-modules begin word. Indien nodig moet die nodige aanpassings gemaak word.

Tydskedule

Daar word voorgestel dat ongeveer twee modules per kwartaal voltooi word. Die opvoeder moet haar deur die leerders laat lei aangesien die vinnige werkers gouer deur die modules sal werk terwyl die stadige werkers heelwaarskynlik meer tyd sal nodig hê.

Die bladsye vir die opvoeder wat by elke module aangeheg is, word nie aan die leerders uitgedeel nie.

• LUISTER, PRAAT, LEES EN SKRYF

Themba en Thandi is baie opgewonde oor die lentedag-feesvieringe wat by die skool gehou gaan word. Almal word aangemoedig om blomme skool toe te bring. Daar word ‘n piekniek, hoedeparade, pannekoekfees, atletiekbyeenkoms en ‘n filmvertoning gehou.

Hierdie aktiwiteite leen hulself tot besprekings oor seisoene, die maak van lenteprente (Lewensoriëntering – Kuns), ‘n eie gedig te skryf, interessante toebroodjies en mariebeskuitjies te maak (Tegnologie), te praat oor gesonde kossoorte en springmielies te maak (Tegnologie).

• KLANKE EN WOORDBOU

-rg, -rm, -rp, -rf, -rs, -rt en -ts word in konteks aangeleer en leerders speel ‘n klankespeletjie om hierdie klanke te hersien.

• SKRIF

Die eerste vyf aaneenlopende skrifpatrone en die letters wat by elkeen pas, word aangeleer.

:	,	,	,
:	,	,	,
:	,	,	,
:
:

Leerders afdeling

Inhoud

Luister na die skoolhoof se afkondiging wat oor die interkom gekom het.

• Kyk na die buiteblad van hierdie module dan kan jy voorspel waaroor die skoolhoof gaan praat.
• Lees dit.

“Aandag seuns en dogters.

Môre vier ons lentedag.

Julle mag gewone klere aantrek.

Hier volg die program vir ons feesvieringe.

7:00 - 8:00 Versier die gange, die voorportaal en die klaskamers met blomme.

8:00 - 9:00 Berei julle piekniekmandjies voor en pak hulle in.

9:00 - 10:00 Sportitems op die rugbyveld tussen die drie kleure.

10:00 - 1 1:00 Pouse - piekniek

1 1:00 - 12:00 Hoedeparade

12:00 - 13:00 Pannekoekfees

13:00 - 14:00 Filmvertonings in die saal

Dankie. Dit is al vir vandag.”

• Wie het geluister?

1. Watter fees word môre by die skool gevier?

2. Watter aktiwiteite word beplan? Kan julle die volgorde onthou?

3. Hoe laat begin die skooldag? Hoe laat eindig die skooldag?

4. Hoe dink julle het Themba en Thandi en al die kinders gevoel na die afkondiging?

5. Watter aktiwiteit sou vir julle die lekkerste wees? Gee redes.

• Oefen die aaneenlopende skrifpatrone eers op blanko papier en dan tussen lyne.

Woordbou

• Hierdie woorde eindig met “rg”.
• Klank die woorde.
• Lees die woorde.
• Leer die woorde.

• Skryf die woorde:

..........................................................................................................................................