| << Chapter < Page | Chapter >> Page > |
In hierdie module kyk ons na die kenmerke van gesonde spyskaarte van verskillende kultuurgroepe.
‘n Resep vir tradisionele mieliepap (vir ses mense)
In Suid-Afrika is ‘n bord lekker growwe mieliepap net die ding om jou krag te gee vir ‘n dag se harde werk. Drink ‘n glas vars melk vir ontbyt om seker te maak dat jy genoeg kalsium inkry om jou skelet en tande sterk en gesond te hou terwyl jy nog groei.
Hier is ‘n resep vir mieliepap wat julle by die huis of selfs by die skool kan maak. Die resep is genoeg vir vyf koppies mieliepap:
Een koppie mieliemeel
Vyf tot ses koppies water
‘n Knippie sout
Metode:
Kook die water en voeg die sout daarby.
Meng die graan (mieliemeel) met ‘n bietjie koue water.
Roer die meel in die kookwater en hou aan roer tot die pap begin dik word.
Roer die pap af en toe terwyl dit stadig kook. Jy kan ‘n bietjie water bygooi as dit te dik word.
Sit dit voor met melk en suiker of heuning na smaak.
Wenk:
Die water kan deur melk vervang word. Dit verhoog die voedingswaarde van die pap.
Maak ‘n “kookboks” (Eng. hotbox). Dit is ‘n slim manier om elektrisiteit te bespaar.
Benodighede:
‘n Stewige houer, bv. kartondoos.
Twee ou kussings.
‘n Ou kombers, koerante of stukke materiaal of sak.
‘n Kastrol wat ten minste een en ‘n half liter water kan hou. Dis belangrik dat die kastrol ‘n deksel het wat goed pas.
Bestanddele soos vir mieliepap.
Metode:
Verstewig en isoleer die kartondoos aan die buitekant met ‘n ou kombers, sak of koerantpapier.
Plaas een kussing onderin die doos en maak ‘n holte daarin.
Bring die mieliepap (soos op die vorige bladsy verduidelik) tot kookpunt op ‘n stoofplaat, primusstofie of vuurtjie.
Maak die kastrol dig toe met die deksel en plaas dit in die holte van die kussing in jou kookboks.
Sit die ander kussing bo-op die kastrol.
Plaas nog koerante bo-oor en vou dit in sodat die hitte nie ontsnap nie.
Vier ure later sal die pap gaar wees en net die regte hitte vir eet!
Jy kan ook stampmielies (Eng. samp), droë boontjies, lensies en ander graansoorte so gaarmaak. Onthou net om dit oornag te week voordat jy dit kook.
Het jy geweet dat ‘n mens ook pap só in ‘n warmwaterfles kan gaarmaak?
Groepwerk
1. Gesels oor wat julle vir ontbyt eet. Maak voorstelle hoe julle dit kan verbeter.
2. Wat is vir julle die heel lekkerste ontbyt?
3. Maak ‘n tydskrifadvertensie vir jou gunsteling ontbytpap. Onthou, jou teikengroep is skoolgaande kinders.
4. Beplan ‘n televisie-advertensie vir ‘n nuwe graankos. Kyk of julle ook ‘n klingel (Eng. jingle), dit is ‘n kort liedjie, kan uitdink om die produk te adverteer.
5. Dis Moedersdag en julle moet ‘n verrassingsontbyt vir ‘n wonderlike ma uitdink.
Spyskaart vir Moedersdagontbyt:
Assessering
Evalueer die ander groepe se pap met ‘n gesiggie:
| Samewerking | swak | redelik | goed |
| Navolg van instruksies | |||
| Voltooiing van ‘n opdrag | |||
| Smaak van die pap | |||
Vergelykende tabel vir gaarmaakmetodes van mieliepap.
| Gaarmaak-Metode: | Primusstoof | Driepoot met vuurtjie | Kookboks | Warmwaterfles |
| Voorbereidings- tyd (bv. maak van die kookboks) | ||||
| Gaarmaaktyd | ||||
| Hoe lank bly dit warm? | ||||
| Tongtippie- toets (Watter pap is die lekkerste?) |
My assessering van die verskillende groepe se televisie-klingel (maak ‘n regmerk in die tabel wat jy dink die groep verdien):
| Groep | swak | redelik | goed |
LEERUITKOMS 1: GESONDHEIDSBEVORDERING
Die leerder is in staat om ingeligte besluite oor persoonlike, gemeenskaps-en omgewingsgesondheid te neem.
Dis duidelik wanneer die leerder
1. 1 spyskaarte uit verskillende kulture ondersoek en planne vir gesonde maaltye voorstel.
Notification Switch
Would you like to follow the 'Lewensorientering graad 4' conversation and receive update notifications?
|
|
|
|
|
|
|
|
|
|
|
|
|
|
|
|
|
|
|
|