2.1 Droogtes  (Page 3/3)

• bou van damme om water op te gaar
• sink boorgate en rig windpompe op
• ontsouting van seewater
• watervoorsiening deur middel van pypleidings
• die smelt van ysberge
• wolkbesaaiing en reënmakery
• bevolkingsbestuur
• versigtige bestuur van grond en waterbronne
• beheer van gronderosie
• aanplant van bome
• droogte-bestande saad om grond te probeer herwin

Aktiwiteit 3:

Om ‘n gevallestudie oor ‘n ernstige droogte wat die land getref het, te doen

[lu 2.3]

• Doen ‘n gevallestudie van ‘n baie ernstige droogte wat Suid-Afrika getref het. Vergelyk dit met die inligting wat jy tot dusver opgedoen het en skryf dan ‘n opstel oor:

a) die oorsake

1. die gevolge

c) die moontlike oplossings vir rampspoedige droogtes

Assessering

Memorandum

Aktiwiteit 1:

1. Ongeveer 60%
2. Noordwes-Kaap en die Karoo

1. Die area lê ver wes van die reënryke ooskus waar warm, vogtige lug die land instroom. Soos die warm, vogtige lug weswaarts beweeg, reën dit in die oostelike berglandskap, sodat die meeste van die vog dus nooit die westekant van die land bereik nie.

2. Die weskus lê ook langs die Atlantiese Oseaan met sy koue Bengula-seestroom waar opwaartse lugbeweging en kondensasie nie moontlik is nie (slegs warm lug beweeg opwaarts). Reën kan dus nie maklik gevorm word nie.

3. Verdamping uit die grond, damme en gewasse is ook groot in die droë westelike areas.

c) Die oostelike dele van Suid-Afrika

Die ooskus lê langs die Indiese Oseaan waar die warm Mosambiek-seestroom vloei. Die lug bo-op die water word dus ook verhit, styg op, kondenseer en vorm wolke wat die land ingewaai word en reën bring. Oos van die Drakensberge sal dit dus meer reën as gevolg van die topografiese aard van die land. Aan die westekant van die Drakensberge sal die reën weswaarts afneem soos die lug droër word. Die vogtige lug word tydens die somer oor die berge gestoot as gevolg van die verhoogde kondensasievlak (lug wat meer water bevat, is ligter). Reën aan die westekant van die berge kom dus in die somer voor.

d) 1. Bou van damme om water op te gaar.

2 Ontsouting van water.

3. Grawe boorgate en rig windpompe op.

4. Lê water aan met pypleidings.

5. Die versigtige bestuur van die grond en verstandige, toepaslike boerderymetodes.

6. Beheer van gronderosie. Minder vee per hektaar sal oorbeweiding beperk en gronderosie voorkom.

7. Aanplant van bome en ander gewasse.

8. Saai van droogtebestande saad.

• Die mensdom se gedrag moet in totaliteit verander en almal moet meer betrokke raak by omgewingsbewaring.

Aktiwiteit 2:

1. Afrika, Suid-Amerika, Indië, China en Australië.
2. Vul bestaande lys aan met eie idees.
3. Aktiwiteite deur mense soos:

• oorbeweiding van grond;

• oorbewerking van grond;
• verwydering van bome en totale ontbossing van areas;
• bevolkingsdruk op die gebied as gevolg van oorbevolking; swak besproeiing wat versouting en / of verkalking van die grond veroorsaak, vererger die effek van droogtes. (Die sout in die grond word boontoe gestoot weens ‘n styging van die watertafel wat deur besproeiing veroorsaak word.)

Die algehele effek van hierdie menslike aktiwiteite is dat ‘n produktiewe land in ‘n droë, onvrugbare gebied kan verander. Hierdie toestande word dikwels deur droogtes vererger.

Aktiwiteit 3:

Leerders doen eie navorsing oor ‘n spesifieke droogte wat Suid-Afrika getref het. Dink hier maar aan die droogte wat die Suidwes-Kaap in 2004/ 2005 getref het.

• Skryf ‘n opstel onder die volgende opskrifte:

1. Oorsake
2. Gevolge

c) Moontlike oplossings