3.3 Die elemente van drama in sosiale en kulturele gebeurtenisse

Kuns en kultuur

Graad 7

Kritiese en kreatiewe denke

Module 12

Die elemente van drama in sosiale en kulturele gebeurtenisse ondersoek

Drama

• In hierdie eenheid gaan ons die elemente van drama in sosiale en kulturele gebeurtenisse ondersoek. Moenie bekommerd wees nie! Dit is pret!
• Jy het al een of ander tyd ‘n ritueel gesien en ek is seker dat jy al by ‘n sportbyeenkoms was by jou skool. Probeer onthou wat jy gesien en ondervind het die laaste keer toe jy by jou skool se interskole sportbyeenkoms was. Dit is waarna ons gaan kyk! Sien, ek het jou gesê jy hoef nie bekommerd te wees nie! Dit gaan definitief pret wees!

Aktiwiteit 1:

Om elemente van drama in kulturele geleenthede te identifiseer:“interskole”

[lu 2.3]

Navorsing en Bespreking:

Ondersoek rituele in jou eie lewe of kultuur en maak ‘n lys.

Laat jou opvoeder die rituele waarmee jy vorendag kom, op die bord neerskryf en bespreek elkeen kortliks.

Voorsien die inlgting omtrent die rituele wat jy voorstel.

Ondersoek die optogte, dreunsange, verrigtinge, ens., van die rituele.

Ondersoek die volgende:

• Wat is die struktuur van die ritueel? (begin, middel en einde)
• Is daar ‘n natuurlike progressie van gebeure?
• Is daar ‘n patroon van gebeure?
• Waar is die dinamiese spanning?
• Verval die ritueel in ‘n roetine of herhaling?

Navorsingsprojek

Vors ‘n openingseremonie van jou keuse na, bv. die openingseremonie van die Olimpiese Spele, ‘n boksgeveg, ‘n rugbywedstryd, ‘n ‘rock’-konsert, die opening van die Parlement, ensovoorts.

Isoleer die volgende dramatiese elemente :

• optogte;
• dreunsange;
• musiek en/of begeleiding;
• spesiale effekte (bv. vuurwerkkuns, rook, beligting, klank, ens.);
• kostuums;
• choreografie;
• rolverdeling (die mense betrokke by die seremonie);
• tyd en duur van optog;
• gehoor se samewerking.

Indien jou klas te groot is, kan die klas in groepe opgedeel word.

Bied ‘n mondelinge en visuele verslag oor die projek aan.

Prakties:

Werk saam met die hele klas aan ‘n openingseremonie vir die volgende interskole sportbyeenkoms – atletiek, sokker, rugby, ensovoorts.

Hierdie openingseremonie moet die volgende insluit, indien moontlik:

• ‘n tema (Afrika, Rock ‘n Roll, James Bond, Disco, ens.);
• dirigente of rasieleiers;
• liedjies, musiek, dreunsange;
• begeleiding (tromme, slaginstrumente, ens.);
• ‘n opwindende optog op die sportveld;
• kostuums;
• rekwisiete (‘streamers’, rosette, fluitjies, vlaggies, baniere, ens.);
• spesiale effekte (rookmasjiene, vuurwerke, ens.).

Beplan eers die optog en stel ‘n struktuur en produksieplan vir die seremonie voor.

Verfyn en ontwikkel hierdie pre-produksieplan met die hulp van jou opvoeder.

Stel die openingseremonie saam deur eers die proses in die klas uit te beeld.

Gaan na die sportveld en oefen en voer die seremonie op.

Suid-Afrikaanse Kunstenaars en ons Kunserfenis

Aktiwiteit 2:

N navorsingstaak oor ons kunstenaars en ons kunserfenis

[lu 2.2, 2.4]

Die waardes, geloofsisteme en tradisies van ‘n kultuur word weerspieël in die kunste en word van een generasie na ‘n ander oorgedra. Die kunste verander gedurig as gevolg van nuwe invloede vanaf die gemeenskap en individuele kunstenaars.

Voorbeelde van individue in al vier kunsvorme wat ‘n belangrike invloed op die kunste in Suid-Afrika gehad het:

Dans

• David Poole – Ballet
• Alfred Hinkel – Moderne Dans
• Vusi Ngema – Afrika-dans

Drama

• Maggie Laubser / Irma Stern
• Gerhard Sekoto / Helen Mmakgoba Sebedi
• Penelope Siopis / William Kentridge

Musiek

• Roelof Temmingh / Bongani Ndodana
• Miriam Mkeba / Abdullah Ebrahim
• Nataniël / Koos du Plessis

Navorsingstaak:

Kies slegs een van die kunstenaars hierbo gelys. Doen navorsing oor die kunstenaar en sy / haar styl en versamel inligting oor die volgende:

• biografie (vroeë jare, opleiding, ens.);
• impak van die gemeenskap op die kuns van daardie tyd (politiese of oorsese invloede, ens.);
• kort beskrywing van een van die kunstenaar se werke (beskryf die motivering agter en doel van die werk);
• beskryf hoe die kunstenaar se invloed ‘n impak op die kunste in Suid-Afrika gehad het.

Hieronder volg ‘n paar riglyne om jou met die navorsing te help.

Deel 1

• Kyk na die verskillende faktore wat die kunste in ons kultuur beïnvloed en affekteer.
• Identifiseer die spesifieke styl van jou gekose kunstenaar en vergelyk dit met die ander style van daardie tyd, m.a.w. identifiseer die ooreenkomste en verskille tussen die style.

Deel 2

Doen navorsing oor jou gekose kunstenaar en versamel genoeg inligting om die volgende vrae te kan beantwoord:

• Wie is jou kunstenaar?
• Wanneer en watter tipe opleiding het hy / sy ontvang?
• Wie het ‘n invloed op sy / haar opleiding gehad?
• Hoe sou jy die kunstenaar se indiviuele styl beskryf?
• Wat was die motivering agter sy / haar kreatiewe werk?
• Hoe het hy / sy ‘n impak op hulle spesifieke kunsvorm gehad?
• Noem en gee ‘n kort beskrywing van een van sy / haar kunswerke.

Deel 3

Organiseer die inligting in ‘n kort mondelinge aanbieding (5 minute).

Assessering