1.14 Willie se verjaarsdagpiekniek - 04

Afrikaans huistaal

Willie se verjaarsdagpiekniek

Opvoeders afdeling

Memorandum

INLEIDING

Die avonture van die Wapse is nou verbonde aan die ondervindings van elke leerder in Graad 1, seuns sowel as dogters. Hulle word blootgestel aan ander omgewings - stedelik, platteland, en word bewus van hoe anders mense lewe, bv. in die bos, sonder krane en elektrisiteit.

Opvoeders moet onthou dat daar leerders in hul klas mag wees wat nie Graad R bygewoon het nie en dus sekere vaardighede, strategieë en konsepte van Graad R nie ontwikkel of aangeleer het nie. Die opvoeder het dus nodig om te verseker dat hierdie in Graad 1 aangeleer en ontwikkel word. (Sien Graad R-modules)

Luister en spraak is die belangrike fondamente waarop geletterdheid gebou word. Die mate waarvolgens leerders die praat van hul huistaal bemeester het, sal verskil en die opvoeder moet hiervan bewus wees.

Taalontwikkeling is ‘n proses wat geleidelik ontwikkel en elke leerder het die simpatieke ondersteuning van die opvoeder ter alle tye nodig.

In Graad 1 luister en lees die leerders stories en word hulle betrek by die leer van klanke en die skryf van die taal. Die klasomgewing moet ‘n plek wees wat die leerders sal aanmoedig om alle aspekte van die taal te leer.

TYDSKEDULE

Alle leerders behoort al agt modules te voltooi, plus-minus twee per kwartaal. Hulle moet toegelaat word om teen hulle eie spoed te werk.

Hier identifiseer Willie met die leerders. Hy vier sy verjaardag. Daar is wesenlike verskille en leerders bespreek hulle. So ook verskil mense van mekaar.

Daar is raaisels om te lees en speletjies om te speel.

Skrif		,	,
en klanke		,	,

Integrasie van temas

Sosiale geregtighede

• Leerders bespreek verskillende kulture, leefwyses, taal ens. Hoe ander verjaardae vier. Leerders moet mense aanvaar ten spyte van verskille.
• Lees die storie, Willie se verjaarsdag, aan die leerders voor. Vra oop vrae oor die storie om te toets hoe goed die leerders geluister en verstaan het.

LU 1.3

• Die leerders klap die woorde:

verjaarsdag, altesaam, versier, linte, om uit te vind hoeveel dele (lettergrepe) daar is.

LU 6.1

• Klanke: Die volgende klanke en hulle skrifpatrone word in die module behandel: r, h, k, l, o en a. Riglyne vir die aanleer van klanke word in module 1 verskaf. Vasleggingsaktiwiteite verskyn.
• Begin om, oor ‘n tydperk, leerders te toets om te sien of hulle boodskappe korrek kan oordra. Dit kan gedoen word wanneer ‘n leerder ‘n mondelinge boodskap vir ‘n ander leerder, onderwyser of vir sy / haar ouers tuis moet oordra. Dit word weer in ‘n latere module geassesseer.

LU 1.5 LU 2.5

• Gee aan leerders die geleentheid om oor hulle eie nuus te gesels. Bied terselfdertyd aan hulle die geleentheid om hulle emosies te ondersoek. (Hoe het dit jou laat voel? Was jy baie kwaad vir jou boetie?)

LU 2.1 LU 2.6

• Leerders moet aangemoedig word om te lees. Sorg dat hulle geleentheid kry om prenteboeke met eenvoudige onderskrifte te lees. Dit kan eers klassikaal / in groepe gedoen word, waarna leerders dit ook individueel kan lees.

LU 3.6

Laat die leerders voorspel wat in elkeen van die briewe geskryf is wat Vollie, Grootoog en Makkie ontvang het.

Versamel voorbeelde van verskillende kaartjies en bespreek dit met die leerders. (Leerders kan ook voorbeelde van kaartjies van die huis af bring.)

Verdeel die klas in groepe van vier tot vyf leerders. Elke groep gaan vir Willie ‘n verjaarsdagkaartjie maak. Lei die leerders deur die volgende stappe:

- ontwerp die kaartjie (leerders teken ‘n voorbeeld van hulle kaartjies);

- beplan wat nodig is om die kaartjie te maak (leerders omkring alles wat hulle nodig het);

- maak die kaartjie;

• kies die gepaste bewoording (opvoeder verleen hulp);
• hou ‘n uitstalling met al die kaartjies.

Leerders afdeling

Inhoud

• ‘n Speletjie om saam met ‘n maat te speel.
• Maak beurte om die name van Meneer Mol se stasie te lees.

Assessering

Leeruitkomste 3: LEES EN KYK : Die leerder is in staat om vir inligting en genot te lees en te kyk en krities op die estetiese, kulturele en emosionele waardes in tekste te reageer.

Assesseringstandaard 3.4: Dit is duidelik wanneer die leerder letters en woorde herken en betekenis uit geskrewe teks skep.

Leeruitkomste 4: SKRYF : Die leerder is in staat om verskillende soorte feitelike en verbeeldingstekste vir ‘n wye verskeidenheid doeleindes te skryf.

Assesseringstandaard 4.1: Dit is duidelik wanneer die leerder toenemend leesbaar skryf.