Wie is ek?

Nog steeds was Henry nie tevrede nie. Hy wou die Model T nóg goedkoper maak. Weer eens is Henry ‘n baanbreker op nóg ‘n gebied. Hy het onlangs ‘n baie groot fabriek opgerig. By hierdie fabriek het hy nou begin met massaproduksie. Dit beteken dat die motors aanmekaar gesit word op ‘n monteerband. Daar is verskeie monteerbande wat baie stadig beweeg. Die werktuigkundiges staan langs die bande en elkeen bring dan ‘n nuwe onderdeel aan, terwyl die motorenjins by hulle verbybeweeg. Henry het reeds ‘n vaste reël neergelê. Al hierdie modelle moet swart wees.

Motors word nou baie vinniger gemaak en word nog goedkoper verkoop! Ek kry juis môre my Model T of “Tin Lizzie”, soos die mense dit noem. Ek dink dis wonderlik dat nóg meer mense dit nou kan bekostig om ‘n motor te koop.

Groete

George Philips

.

Hulle lyk baie anders vandag.

So ry ons nog steeds met Ford motors.

Baie luukser met baie meer krag.

Koor: Dink terug, o dink terug,

O dink terug aan die motors van ouds, van ouds.

Dink terug, o dink terug,

O dink terug aan die motors van ouds, van ouds.

Ons ry nou met vinnige motors.

Daar’s modelle te kus en te keur.

Ons ry nou met vinnige motors.

Die soorte word net al hoe meer. (G.S.)

Koor:

Het iemand dalk lus om ‘n derde of selfs vierde versie te skryf ?

Assessering

Memorandum

Hierdie leesstuk word gelees vir die luisterbegripoefening by no. 3

My Eerste Skooldag

Die dag het begin soos gewoonlik, maar dit was heeltemal anders. Die nuwe grys broek het my knieë gekrap en die baadjie het amper op my knieë gehang.

Ek wou nie skool toe gaan nie. Ek wou by die huis bly by my eendjie. Ek wou liewers met my karretjies speel en saam met my ma winkels toe gaan. Ek wou liewers in die oggend televisie kyk.

My pa het gesê ek moet dapper wees. Hy het gesê alle kinders moet skool toe gaan en dat ek baie nuwe maats sou kry. My ma het niks gesê nie en haar oë het geblink. Ek het haar hand styf vasgehou en saam met haar na my klaskamer toe gestap. My juffrou was mooi en vriendelik en skielik was ek nie meer bang nie. Ek het ‘n seun op die mat sien sit en ek het by hom gaan sit en hom gehelp om ‘n toring met blokkies te bou.

3.

(a) Nee

(b) Nee

(c) Nee

(d) Ja

(e) Nee

(f) Ja

(g) Ja

(h) Nee

(i) Ja

(j) Ja

4.

(a) Hoe oud was jy toe jy die eerste maal na die tandarts toe moes gaan?

(b) Hoekom moes jy na die tandarts toe gaan?

(c) Was jy bang vir die tandarts?

(d) Hoe het die tandarts gelyk?

(e) Wat het jy in die spreekkamer raakgesien?

(f) Wat het die tandarts eerste gedoen?

(g) Wat het die tandarts gesê?

(h) Was dit baie seer?

(i) Is jy ooit bang vir die tandarts?

5.

• Thomas Eddison Eerste gloeilamp
• Neil Armstrong Eerste man op die maan
• Bartolomeus Diaz Eerste seevaarder wat seil om suidpunt van Afrika
• Alexander Graham Bell Eerste telefoon
• Wilbur en Orvill Wright Eerste vlug met 'n vliegmasjien
• Marie Curie Eerste om X-strale te ontwikkel
• Jan van Riebeeck Eerste verversingspos aan die Kaap
• Christopher Columbus Eerste om Amerika te ontdek

6.

• Die ou motor het 'n hoë dak.
• Die ou motor het dun bande met speke.
• Die ou motor het 'n klein, ovaalvormige agterruit.
• Die ou motor het snaakse voorligte.
• Die ou motor se voorruit is in vierkante verdeel.
• Die ou motor het nie agterdeure nie.
• Die ou motor het nie 'n kattebak nie.
• 'n Mens sit baie hoog in die ou motor.

7.

(a) Die ou motor het 'n hoë dak.

(b) Die agterruit is ovaalvormig.

(c) Die voorligte lyk baie koddig.

(d) 'n Mens sit baie hoog in die ou motor.

(e) Die bande lyk soos fietswiele met speke.