4.2 Dans: opwarming

Heupopwarming

• Voorbereiding : staan regop – voete heupwydte van mekaar af – hande op jou heupe:

• isoleer jou heupe.
• moenie enige ander deel van jou liggaam beweeg nie.
• hou bene en voete stil.

• Druk jou regterheup uit na die kant.
• Druk jou linkerheup uit na die kant.
• Herhaal agt keer.
• Roteer jou heupe van links na regs – volle sirkel (herhaal agt keer).
• Roteer jou heupe van regs na links – volle sirkel (herhaal agt keer).

Beenopwarming

• Stap op die plek in tyd met die musiek vir agt mate.
• Stap vorentoe vir vier mate.
• Stap agtertoe vir vier mate.
• Herhaal agt keer.
• Voeg beheerde armbewegings by soos uitgevoer in die armopwarming.
• Herhaal agt keer.

Quadricepsopwarming

• Bly op een plek en lig jou knieë om die beurt op en af.

  

• Herhaal agt keer:

• hou jou hande op jou heupe.
• hou jou maag in.
• hou jou liggaam regop.

Hampeesopwarming

• Tree na die regterkant – kyk vorentoe – lig linkerbeen op agter jou – buig jou knie.
• Tree na links – kyk vorentoe – lig jou regterbeen op agter jou – buig jou knie.
• Herhaal agt keer.

• Moenie vorentoe leun wanneer jy jou been agtertoe oplig nie.
• Hou jou liggaam te alle tye reguit.

Boudopwarming (Gluteus Maximus):

• Voorbereiding . Staan met jou voete heupwydte van mekaar af – arms langs sye.
• Buig jou knieë – druk jou boude uit na agter en leen effens vorentoe – lig jou arms vorentoe op.
• Maak jou bene reguit.
• Herhaal agt keer.

• Maak seker dat jou knieë in lyn is met jou tone wanneer jy jou bene buig.
• Hou jou hakke op die vloer.
• Moenie jou rug krom maak nie – hou jou rug reguit wanneer jy vorentoe leun.
• Hou jou kop in lyn met jou ruggraat.

Spronge:

• Voorbereiding: druk met jou hele voet, veral jou hakke, op die vloer.
• Dit sal jou die krag gee om in die lug te spring.
• Strek jou bene en voete.
• Hou jou skouers oop en vierkantig.
• Hou jou liggaam regop.
• Gebruik elke spier in die sool van jou voet.

• Werk van die hakke deur na die tone.
• Wanneer jy land moet jou tone eerste die grond raak.
• Sit stadig jou voet geleidelik neer totdat jou hak die grond raak.
• Buig jou knieë wanneer jy land.
• Spring vanaf twee voete.
• Buig knieë voordat jy spring.
• Maak knieë reguit soos jy opspring.
• Kom af op altwee voete met gebuigde knieë.
• Spring vorentoe, agtertoe, links, regs.
• Spring op die maat van die musiek.
• Spring van een voet na die ander.
• Kombinasie:

• spring vier keer op altwee voete
• spring twee keer op die regtervoet
• spring twee keer op die linkervoet
• spring vorentoe op alternatiewe voete (vier keer)
• spring agtertoe op al twee voete (vier keer)
• herhaal kombinasie agt keer

Voetopwarming:

• Voorbereiding: staan met voete heupwydte van mekaar af – liggaam regop –arms langs sye.
• Lig jou hakke stadig en laat sak (herhaal agt keer).
• Lig jou tone – hakke op die vloer – en laat sak (herhaal agt keer).
• Kombineer toon- en hakoefeninge om die beurt agt keer.

• Hou liggaam regop te alle tye.
• Hou jou balans.
• Hou jou kop op en kyk vorentoe – moenie afkyk nie, anders gaan jy vorentoe val!

Assessering

LEERUITKOMS 1: SKEPPING, INTERPRETERING EN PRESENTERING

Die leerder kan in elk van die kunsvorme skep, interpreteer en werk presenteer.

Assesseringstandaard

Dis duidelik wanneer die leerder:

• by die voorbereiding van die liggaam, met die leiding van die opvoeder opwarmings- en vaardigheidsontwikkelingsbewegings kan uitvoer, met die klem op die veilige gebruik van die liggaam, byvoorbeeld:

• by buigings die knieë in lyn bokant die tone;
• artikulering van die voete (toon-hakskeen-buiging) en kniebuiging by landing na ‘n sprong;
• goeie houding deurgaans.