<< Chapter < Page Chapter >> Page >

Sosiale wetenskappe: aardrykskunde

Graad 8

Nedersettings

Module 2

Vergelyking van grondgebruikpatrone in verskillende gebiede

  1. Vergelyking van grondgebruikpatrone in verskillende gebiede

Aktiwiteit 1:

Om inligting uit bronne te interpreteer en vrae daaroor te beantwoord

[lu 2.2]

Bestudeer die volgende illustrasie en beantwoord die vrae wat daarop volg:

1. Watter tipe grondgebruik sou jy sê is oorheersend in die gebied?

2. Sou jy sê dat daar ‘n verandering in die oorspronklike aanwending van die gebied plaasgevind het? Gee ‘n rede vir jou antwoord.

3. Watter impak het die bedrywighede op die natuurlike hulpbronne in die omgewing?

4. Sou jy sê dat dit die ideale situasie is vir stedelike ontwikkeling en grondgebruik?

Aktiwiteit 2:

Om inligting uit bronne te interpreteer en vrae daaroor te beantwoord

[lu 2.2]

Bestudeer die volgende skets en beantwoord die vrae wat daarop volg:

1. Is die gebied wat in die illustrasie uitgebeeld word, dig of yl bevolk? Motiveer jou antwoord.

2. Sou jy dit as plattelands of stedelik klassifiseer?

3. Watter tipe grondgebruik word deur die illustrasie voorgestel?

4. Sou jy die grondpryse in die gebied as goedkoop of duur beskryf? Motiveer jou antwoord.

Aktiwiteit 3:

Om inligting uit omgewingsbronne af te lei

[lu 2.2]

Beantwoord die volgende vrae:

1. Bepaal watter persentasie van die dorp/stad waar jy woon, of naaste aan waar jy woon, afgestaan word aan ‘n industriële gebied.

2. Bepaal watter persentasie (%) van die dorp/stad afgestaan word aan woongebiede?

3. Waar is die woonplek geleë van die meer gegoede inwoners? Is dit naby aan die sakekern of in die buitewyke?

2 . Bevolkingsverskuiwings weens politieke beleid

In Suid-Afrika vind ons ‘n unieke grondverbruikpatroon weens die politieke besluite van die verlede. Indien ons na ‘n stedelike kaart van Port Elizabeth sou kyk, sou ons waarneem dat sekere woonbuurte meer deur een bevolkingsgroep bewoon word. Dit is die gevolg van die segregasiebeleid en apartheid wetgewing voor 1994. Die beleid het behels dat verskillende bevolkingsgroepe in verskillende woonbuurte moet woon.

Port Elizabeth

In Port Elizabeth was Suid-Einde vroeër ‘n gebied wat deur verskillende bevolkingsgroepe bewoon is. Tydens die bewind van die Nasionale Party is al die inwoners egter verskuif na gebiede soos Malabar en New Brighton. Die persone wat aan die Indiërgemeenskap behoort is in Malabar gevestig, terwyl die bruin mense in New Brighton gevestig is. Dit het meegebring dat persone hulle huise moes verlaat en elders van voor af begin. Hulle het dus geen keuse gehad waar hulle wou bly nie. Indien jy aan ‘n sekere bevolkingsgroep behoort het, was jy verplig om te woon in ‘n gebied wat toegeken is aan persone van jou kultuur.

Vandag ervaar ons steeds die gevolge van die beleid. Soms is persone gekonsenteer in ‘n woonbuurt wat nie oor ‘n behoorlike infrastruktuur soos paaie, elektrisiteit en behuising beskik nie. Hulle kan nie bekostig om elders te woon nie.

Aktiwiteit 4:

Om inligting uit kaarte af te lei en te interpreteer

[lu 1.2]

Bestudeer die volgende illustrasie en beantwoord die vrae wat daarop volg:

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Aardrykskunde graad 8. OpenStax CNX. Sep 11, 2009 Download for free at http://cnx.org/content/col11035/1.1
Google Play and the Google Play logo are trademarks of Google Inc.

Notification Switch

Would you like to follow the 'Aardrykskunde graad 8' conversation and receive update notifications?

Ask