<< Chapter < Page Chapter >> Page >

Afrikaans eerste addisionele taal

Graad 4

Dorp toe

Module 28

Die restaurant

Aktiwiteit 1

Om in gepaste taal deel te neem aan rolspel [lu 2.2.1, 2.7.2]

BY DIE RESTAURANT

('n Leesstuk en rolspel)

(a) Lees die toneeltjie wat by die restaurant afspeel in groepe van vyf.

(b) Rolspeel dit vir die klas.

KELNERIN : Goeiemôre en welkom by ons restaurant. Ek is Rina, julle kelnerin. Vir hoeveel mense wil julle 'n tafel hê ?

MAMMA : Goeiemôre. 'n Tafel vir vier mense asseblief.

KELNERIN : Kom saam met my.

MAMMA : Baie dankie.

KELNERIN : Sit gerus. Ek sal die spyskaart nou-nou bring.

MAMMA : Baie dankie.

JANE : Ek wil langs Mamma sit.

DONNY : Ek wil by die venster sit.

FRANK : Nee, ek wil daar sit.

MAMMA : Kom nou kinders, bly stil. Donny, sit jy by die venster en dan kan Frank hier sit. Jane, jy moet langs Mamma sit.

KELNERIN : Hier is die spyskaart. Kyk dit gerus deur en besluit wat u wil bestel. Ek sal u bestelling later kom neem.

MAMMA : Baie dankie. Mag ons asseblief 'n glas koue water kry ?

KELNERIN : Met plesier. Ek bring dit dadelik.

MAMMA : Wat wil julle kinders te ete hê ? Hier op die spyskaart is die heerlikste hamburgers en aartappelskyfies.

JANE : Ek wil net 'n pienk melkskommel hê.

MAMMA : Jy moet ook iets eet. Wat van 'n roosterbroodjie ?

JANE : Ja asseblief, maar met eier daarop.

DONNY : Mamma, mag ek asseblief 'n hamburger en 'n roomys bestel?

MAMMA : Ja, en wat van jou Frank ?

FRANK : Ek wil dieselfde as Donny hê, maar mag ek ook 'n koeldrank bestel ?

MAMMA : Òf 'n roomys òf 'n koeldrank, maar nie beide nie.

FRANK : Dan net 'n rooi koeldrank.

KELNERIN : Is u gereed om te bestel ?

MAMMA : Ja. Ons wil drie hamburgers, 'n snytjie roosterbrood met eier op, 'n pienk melkskommel, 'n rooi koeldrank, een roomys en 'n koppie tee bestel.

KELNERIN : Goed so. Ek sal u bestelling plaas en dan sal ek die tafel kom dek.

DONNY : Ek hoop hulle maak gou, want ek is baie honger.

MAMMA : Jy sal maar geduldig moet wag, want hulle moet nog die kos voorberei.

FRANK : Kyk, hier kom die kelnerin om ons tafel te dek.

KELNERIN : Verskoon my. Ek wil net die plekmatjies, servette, messe en vurke op hul plekke kom neersit. Ek sal nou die eet- en drinkgoed bring.

DONNY : Jippie ! Ek raak so honger as ek die lekker kos ruik.

JANE : Hier kom ons kos. Ek wil my pienk melkskommel hê.

MAMMA : Jane, jy moet wag. Die kelnerin weet wat elkeen moet kry. Sy sal dit vir jou gee.

KELNERIN : Hier is u bestelling, Mevrou. Geniet die maal.

MAMMA : Baie dankie. Ons sal.

DONNY : Mmm, maar die hamburger smaak heerlik.

MAMMA : Jane, jy moet jou roosterbrood eet en nie net die melkskommel drink nie.

DONNY : As sy dit nie wil hê nie, sal ek dit eet.

JANE : Nee, dit is myne !

FRANK : Ek is so bly dat ek koeldrank bestel het, want ek is baie dors.

DONNY : Gee vir my 'n slukkie asseblief ?

FRANK : Dan wil ek 'n happie van jou roomys hê.

MAMMA : Net nie mors nie. Gebruik julle servette om jul monde af te vee.

KELNERIN : Is alles in orde ?

MAMMA : Ja, dankie.

KELNERIN : Wil u nog iets bestel ?

MAMMA : Nee, dankie. Jy kan maar die rekening bring.

JANE : Is 'n rekening ook iets om te eet ?

Get Jobilize Job Search Mobile App in your pocket Now!

Get it on Google Play Download on the App Store Now




Source:  OpenStax, Afrikaans eerste addisionele taal graad 4. OpenStax CNX. Oct 21, 2009 Download for free at http://cnx.org/content/col11082/1.2
Google Play and the Google Play logo are trademarks of Google Inc.

Notification Switch

Would you like to follow the 'Afrikaans eerste addisionele taal graad 4' conversation and receive update notifications?

Ask